सामुदायिक विद्यालयलाई खेलकुदका सामाग्री वितरण

वडा ७ क्षेत्रमा ४ वटा सामुदायिक बिद्यालय

पुष २६

काठमाडौं । काठमाडौं महानगरको वडा ७ ले आफ्नो क्षेत्रभित्र रहेका सामुदायिक विद्यालयलाई खेलकुदका सामाग्री वितरण गरेको छ । आज वडा कार्यालयमा विद्यालयका प्रधानाध्यापक तथा प्रतिनिधिलाई बोलाएर सामाग्री प्रदान गरिएको हो ।

वडा ७ का सामुदायिक विद्यालयलाई खेलकुद सामाग्री वितरण समितिका संयोजक एवं वडा सदस्य कृष्णमणि भट्टराई र वडा सदस्य निर्मला पुडासैनीले संयुक्त रुपमा सामाग्री हस्तान्तरण गर्नुभएको हो ।

खेलकुद सामाग्रीमा हरेक विद्यालयलाई ५ सेट चेस बोर्ड, ५ सेट लुँडो, ५ सेट स्किपिङ्, २ सेट क्यारिम वोर्ड, ३ थान भलिवल, ५ सेट व्याटमिन्टन र ३ सेट भलिवल प्रदान गरिएको थियो ।

विद्यार्थीहरुको शारीरिक विकासका लागि विद्यालयहरुलाई खेलकुद सामाग्री प्रदान गरिएको वडा सदस्य कृष्णमणि भट्टराईको भनाइ छ । सहयोग ठूलो नभए पनि महत्वपूर्ण रहेको उहाँको भनाइ छ । विद्यालयको शैक्षिक गुणस्तरका लागि खेलकुदको महत्वपूर्ण भूमिका रहेकोले सहयोग गरिएको अर्का वडा सदस्य पुडासैनीले बताउनुभयो ।

वडा ७ मा श्रम राष्ट्रिय माद्यमिक विद्यालय, पशुपति मित्र माद्यमिक विद्यालय, मित्र आधारभूत विद्यालय र बाल व्यवसायी केन्द्र माद्यमिक विद्यालय गरी ४ वटा सामुदायिक विद्यालय छन् । यी विद्यालयहरुमा करीब ४ हजार बिद्यार्थी अध्ययन गर्छन् ।

 

चन्द्रमणि भट्टराई

Follow Our Author

No social network is added for the current author

यसमा तपाइको मत