सामुदायिक अध्ययन केन्द्र भवनको उद्घाटन

शैक्षिक गुणस्तर बढाउन अनौपचारिक शिक्षा अपरिहार्य

चन्द्रमणि भट्टराई
पुष १४

DSC_9629काठमाडौंं । महानगरको वडा १२ बडा भवनसँगै जोडिएको चिन्तामणि सामुदायिक अध्ययन केन्द्रको शनिबार उद्घाटन भएको छ । भवनको उद्घाटन महानगरका प्रमुुख विद्यासुन्दर शाक्यले गर्नुभएको थियो । भवनमा गृहिणी महिला, विद्यालय शिक्षाको अवसर नपाएका बालबालिकाहरुलाई शिक्षा दिने तथा सीपमुलक सञ्चालन हुँदै आएको छ । भवन उद्घाटन गर्दै प्रमुख शाक्यले — महानगरको सन्तुलित र सर्वाङ्गीण विकासका लागि अनौपचारिक क्षेत्रका हरेक कामको प्रभाव महसुस गरेको बताउनुभयो । सरकारले दिने सेवा सुविधा हरेक नागरिकलाई समान वितरण व्यवस्था गर्न यसरी प्राप्त भएको सहयोगको प्रशंशा गर्नै पर्छ, मेयर शाक्यले थप्नुभयो — यो भवनमा सञ्चालन हुने कार्यक्रमले नागरिक चेतना बढाउन ठूलो सहयोग पुग्ने विश्वाश लिएको छु ।

DSC_9655उद्घाटन समारोहमा उपप्रमुख हरिप्रभा श्रेष्ठ खड्गीले सामुदायिक अध्ययन केन्द्र महिला शशक्तिकरणका लागि महत्वपूर्ण ठाउँ भएको धारणा राख्नुभयो । यस केन्द्रले घरभित्र थुनिएका महिलालाई बाहिर निकाल्न सहयोग पु¥याउँछ । उहाँको विश्वाश थियो ।

कार्यक्रममा बोल्दै वडा १५ का अध्यक्ष एवं महानगरका प्रवक्ता ईश्वरमान डंगोलले — समाज रुपान्तरणको जग शिक्षा भएकोले सबै बर्गमा शिक्षाका कार्यक्रम पु¥याउने कार्यक्रम महानगरका प्राथमिक काम रहेको प्रसङ्ग उल्लेख गर्नुभयो भने वडा १२ का अध्यक्ष विकास डंगोलले — सामुदायिक सिकाइ केन्द्रले महिला शशक्तिकरण र युवाहरुको सीप विकासमा योगदान पु¥याएको अनुभव सुनाउनुभयो ।

सामुदायिक अध्ययन केन्द्रलाई शिक्षा व्यवस्थापन गर्ने सरकारी निकायमा दर्ता गरेर सञ्चालन गर्न नपाएको गुनासो गर्दै कार्यक्रममा केन्द्रकी उपाध्यक्ष — महानगरले यस्ता केन्द्रको व्यवस्थापनमा ठोस कार्यक्रम ल्याउन सुझाव दिनुभयो । सोही अवसरमा सीपकुलक कार्यक्रम सञ्चालन गर्न सहयोग गर्ने प्रशिक्षक, नियमित कक्षामा आउने महिलाहरुलाई प्रमाण पत्र तथा धन्यवाद पत्र प्रदान गरिएको थियो भने सामुदायिक केन्द्रको स्मारिक सार्वजनिक गरिएको थियो ।

२०६९ सालमा निर्माण शुरु गरिएको भवन २०७१ सालमा निर्माण सम्पन्न भएको थियो । करीव १४ लाख रुपैयाँ लागत र सोही अनुपातमा जनश्रमदानबाट निर्माण गरिएको ३ तले भवनको भुइँतलामा पार्किङ गर्ने ठाउँ र एउटा कोठा छ । दोश्रो तलामा कार्यालय चलाइएको छ भने तेश्रो तलामा सभा कक्ष रहेको छ ।

यसमा तपाइको मत