महाराजगञ्जमा सडक संकेत बत्ती सञ्चालन

यसको प्रभाव हेरेर विस्तार योजनामा महानगर

चन्द्रमणि भट्टराई
असोज २६

DSC_3363
शिक्षण अस्पताल अगाडि उद्घाटन गरिएको पैदल यात्री संकेतमा हरियो बत्ती बलेपछि सडक पार गर्दै मेयर शाक्य, वडाध्यक्ष के. सी., ट्राफिक प्रहरी अधिकृतसँगै सर्वसाधारण

काठमाडौं । काठमाडौं चक्रपथ खण्डमा पर्ने महाराजगञ्ज चोकमा नेपाली प्रविधिमा निर्माण गरिएका सडक संकेत बत्ती सञ्चालनमा ल्याइएको छ । महानगरले २५ लाख रुपैयाँ खर्च गरेर निर्माण गराएको प्रणालीको रिमोट, शुक्रबार एक औपचारिक कार्यक्रममा मेयर विद्यासुन्दर शाक्यले ट्राफिक प्रहरी उपरीक्षक राजकुमार लम्साललाई हस्तान्तरण गर्नुभयो । त्यस लगत्तै मेयर शाक्यले शिक्षण अस्पताल अगाडि निर्माण गरिएको पैदल यात्रु संकेत बत्ती

DSC_3339

को शुरुवात् गर्नुभयो । यो प्रणाली निर्माण गर्न ५ लाख रुपैयाँ खर्च गरिएको छ ।

विकास व्यवस्थापनका लागि सबै अधिकार महानगरमा आइ पुगि सकेका छैनन् । महानगरभित्रका ठूला सडकको निर्माण, मर्मत सम्भार तथा व्यवस्थापन सडक विभागको जिम्मामा छ । प्रणाली शुरु गरिसकेपछि बोल्दै मेयर शाक्यले भन्नुभयो — नागरिकसँग प्रत्यक्ष जोडिएका सेवा तथा सुविधा मिलाउन महानगरले कार्य क्षेत्र मात्र हेरेर हुँदैन । सडकमा संकेत बत्ती राख्ने विषय पनि यस्तै हो । मूल सडकमा यातायात प्रणालीलाई सहज बनाउने जिम्मेबारी विभागकै हो तर विभागबाट यसमा पर्याप्त काम नभएपछि महानगरले काम गरेको हो । महानगरको वडा ३ स्वास्थ्य सेवाका दृष्टिले उर्वर छ । ठूला ठूला अस्पताल भएका कारण त्यस क्षेत्रमा सवारी र पैदल यात्रीको यात्रा सहजता मिलाउनु पर्छ, वडाध्यक्ष दीपक के. सी. ले विरामीलाई प्राथमिकतामा राखेर पैदल यात्रीलाई सहजता प्रदान गर्ने प्रणाली विकासलाई प्राथमिकतामा राख्नुभएको छ । उहाँ भन्नुहन्छ — मेरो वडामा राष्ट्रिय स्तरका ५ वटा अस्पताल छन् । ती अस्पतालमा आउने विरामी र विरामीका आफन्तको आवातजावत सहज बनाउन पैदल मार्ग र सवारी आवागमनको सन्तुलन मिलाउनै पर्छ । अहिले मेरो ध्यान त्यसैमा केन्द्रीत छ । वडा ३ मा महाराजगञ्ज चो, बसुन्धरा, सामाखुशी र तिलिङ्टार गरी ४ वटा ठूला सडक चोक छन् । महाराजगञ्जको प्रणालीबाट प्राप्त प्रभाव हेरेर वडासँगै सहरका अन्य ठूला चोकमा विस्तार गर्ने महानगरको योजना रहेको, सहरी पूर्वाधार विकास विभागका प्रमुख राम थापाको भनाइ छ ।

महाराजगञ्जमा निर्माण गरिएको संकेत बत्तीमा सवारी साधनका लागि ९० सेकेण्ड र जेब्रा क्रसिङ् प्रयोग कर्ताका लागि १५ सेकेण्ड समय कायम गरिएको छ । तारविहिन नेपाली प्रविधिमा जडान गरिएको प्रणालीमा बत्तीसँगै क्यामरा पनि जोडिएका छन् । ती क्यामराले १०० मिटरसम्मका सवारीलाई (क्लोज अप) नजिकबाट निगरानी र तिनका गतिविधि रेकर्ड गर्न सक्छन् । बत्तीहरु अटो र म्यानुअल दुवै तरिकाबाट चलाउन सकिन्छ । दिनको समयमा अटोमा राखेपछि एउटै समय तालिकामा आवागमन चल्छ भने बिहान वेलुकी सवारी साधन कम चल्ने बेलामा पैदल यात्रीले स्वीच थिचेर सडक पार गर्न सक्छन् । प्रयोगकर्ताले स्वीच थिचेको १० सेकेण्डपछि हरियो बत्ती बल्छ ।

महाराजगञ्च चोक काठमाडौंका व्यस्त चोकमध्येको एक हो । सडकबत्ती जडान गर्ने क्रममा यार्सा टेक्नोजोलीले दिनको ३ बजेदेखि ४ बजेसम्म राखेको तथ्याङ्कमा त्यस १ घण्टाको अवधिमा ८०० वटा मोटरसाइकल, १२० वटा बस, २२० वटा कार र २१५ वट ठूला बस, ट्रक तथा मालबाहक सवारी गुडेका थिए । यो समय चापहुन अघिको समय हो । त्इस चोकमा ४ बजेपछि र ७ बजे अघिको समयमा सवारीको अत्याधिक चाप हुने गरेको छ ।

 

Follow Our Author

No social network is added for the current author

यसमा तपाइको मत